У Маскве затрымалі Z-актывіста, які хацеў скрасці цацкі з стыхійнага мемарыяла
![Мемарыял каля помніка Лесі Украінцы / t.me/sotavisionmedia](/sites/default/files/styles/gallery_main/public/2023-08/dnipro-1901.jpg.webp?itok=N18XHjgl)
Мемарыял каля помніка Лесі Украінцы / t.me/sotavisionmedia
Увечары 18 студзеня ў Маскве паліцыя затрымала каля помніка Лесі Украінцы Z-актывіста, перадае тг-канал sotavisionmedia.
Мужчына хацеў скрасці цацкі са стыхійнага мемарыялу. Гэты мемарыял каля помніка Лесі Украінцы ўзнік пасля расійскай ракетнай атакі на Дняпро 14 студзеня, калі ракета трапіла ў жылы дом. Пры гэтым загінула 45 чалавек.
18 студзеня каля помніка паставілі дзяжурыць паліцыянтаў, аднак людзі ўсё адно нясуць туды кветкі і цацкі, каб ушанаваць памяць загінулых.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.