У Маладзечне затрымалі жанчыну, якая выйшла на антываенны пікет
24 лютага каля 11-й гадзіны раніцы маладзечанка Вольга Барунова выйшла на антываенны пікет і стала з бел-чырвона-белым сцягам каля крамы на вуліцы Вялікі Гасцінец.
Прыкладна праз 15 хвілін прыехалі сілавікі. Яны затрымалі жанчыну, якая спрабавала ўцячы ад іх.
Сын Вольгі кажа: "Раніцай мама была вельмі расстроеная навіной пра тое, што ва Украіне пачалася вайна. Гэта і падштурхнула яе выйсці адной на акцыю".
Жанчына працуе прадавачкай.
Учора ж у адным з праўладных ТГ-каналаў з'явілася відэа з затрыманым беларусам, які заклікаў выйсці на антываенную акцыю пратэсту. У Гомелі, як паведамлялі СМІ, затрымалі мужчыну, які паспеў на плоце напісаць слова "Пуцін".
