У Маладзечанскім раёне ў аварыі загінулі два чалавекі
Два чалавекі загінулі ў дарожна-транспартным здарэнні ў Маладзечанскім раёне. На трасе Мінск - Маладзечна - Нарач сутыкнулася іншамарка і рэйсавы аўтобус. Як паведамляе Першы нацыянальны тэлеканал, у выніку аварыі найбольш пацярпела іншамарка. Людзі, якія ў ёй знаходзіліся, загінулі. Распачатая крымінальная справа.
