У Магілёве падпалілі аўтамабіль міліцыянера

У Магілёве падпалілі аўтамабіль міліцыянера, паведамляе ў Telegram прэс-служба МУС. Падпал — асноўная версія здарэння, якое адбылося ўначы 13 кастрычніка на адной з парковак. Узгаранне ліквідавалі ратавальнікі. Агонь паспеў пашкодзіць бампер, капот і колы. Ён закрануў і машыну, якая была прыпаркаваная побач.

Крымінальную справу распачалі па факце наўмыснага знішчэння ці пашкоджання маёмасці.

Падобныя здарэнні адбываюцца ў апошнія месяцы ў розных гарадах Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.