У Магілёве на прыпынку знайшлі пакет з дратамі, выклікалі сапёраў (фота)

19 сакавіка ў Магілёве на прыпынку грамадскага транспарту “Праспект Міра” знайшлі пакет з дратамі. Жанчына патэлефанавала ў міліцыю. Пасля 15-й гадзіны тэрыторыя была ачэплена, абмежавалі рух транспарту, эвакуявалі 80 чалавек (адкуль, не паведамляецца). На месца выклікалі сапёраў, які нічога небяспечнага ў пакеце не знайшлі, там былі толькі пальчаткі і чорны дрот. Уладальніка гэтых рэчаў пакуль не знайшлі, праводзіцца праверка, інфармуе прэс-служба УУС Магілёўскага аблвыканкама.

Міліцыя заклікае грамадзян не пакідаць сваіх рэчаў у грамадскіх месцах. У той жа час у выпадку выяўлення безгаспадарчых рэчаў, не датыкацца да іх, а выклікаць праваахоўнікаў.