У Луцку пачынаецца рок-фэст “Права быць свабодным”

У Луцку з невялікім спазненнем пачынаецца рок-фэст “Права быць свабодным”. Пра прычыны гэтага “Еўрарадыё” па тэлефоне распавёў Віталь Супрановіч:

“Мы трохі затрымліваем час канцэрту, бо чакаем. Мы ведаем, што частка людзей з Беларусі паехала сваім ходам і спадзяемся, што яны ўсё ж такі даедуць і паспеюць на пачатак фэсту”.

Паводле словаў Супрановіча, рок-фэст распачнецца з хвіліны на хвіліну. Гледачы яшчэ падыходзяць, але ўжо некалькі соцень чалавек сабраліся. Таксама арганізатары чакаюць некалькіх музыкаў з Беларусі, якія ехалі не ў аўтобусе з іншымі, а дабіраюцца сваім ходам.