У Лізе Еўропы "Ліверпуль" сенсацыйна прайграў "Аталанце" — 0:3
!["Аталанта" сенсацыйна выйграла ў "Ліверпуля"](/sites/default/files/styles/gallery_main/public/2024-04/atalanta-1204.jpg.webp?itok=Hvs3oPht)
"Аталанта" сенсацыйна выйграла ў "Ліверпуля" / Getty Images
Увечары 11 красавіка прайшлі першыя чвэрцьфінальныя матчы футбольнай Лігі Еўропы.
Найбольшай сенсацыяй стаў пройгрыш англійскага "Ліверпуля". На сваім полі адзін з лідараў прэм'ер-лігі ўсухую прайграў клубу "Аталанта" з Бергама — 0:3.
Футбалісты "Ромы" на выездзе адолелі "Мілан" — 1:0. Адзіны гол на 17-й хвіліне сустрэчы забіў Джанлука Манчыні.
Нямецкі "Баер" у Леверкузене святкаваў перамогу над лонданскім "Вест Хэмам" — 2:0.
А ў Лісабоне партугальская "Бенфіка" выйграла ў французскага "Марселя" з лікам 2:1.
Таксама першыя чвэрцьфінальныя сустрэчы прайшлі ў Лізе канферэнцый. Чэшская "Вікторыя" згуляла ўнічыю з італьянскай "Фіярэнцінай" — 0:0, "Алімпіякас" з Грэцыі выйграў у турэцкага "Фенербахчэ" — 3:2, англійская "Астан Віла" перамагла французскі "Ліль" — 2:1, а бельгійскі "Бруге" святкаваў перамогу над ПАОКам з Грэцыі — 1:0.
Паядынкі ў адказ за выхад у паўфінал Лігі Еўропы і Лігі канферэнцый адбудуцца 18 красавіка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.