У Літве затрымалі чарговую кантрабанду цыгарэт з Беларусі
![У Літве затрымалі чарговую кантрабанду цыгарэт з Беларусі](/sites/default/files/styles/gallery_main/public/2023-08/243255625_230201269139135_8845750338436393646_n.jpg.webp?itok=VPP6Mn8D)
У Літве затрымалі чарговую кантрабанду цыгарэт з Беларусі. У адным выпадку схованку знайшлі ў падлозе грузавіка, які перавозіў тарфяныя брыкеты. Літоўскія мытнікі сутыкнуліся са складанасцямі пры дэмантажы, таму спачатку даставілі толькі частку грузу — 40 тысяч пачкаў цыгарэт на больш за 140 тысяч еўра. Кіроўцу арыштавалі на два тыдні, паведамляе lrmuitine.lt.
У іншым выпадку кантрабандныя цыгарэты (400 скрынак) былі схаваныя сярод грузу бытавой тэхнікі, які везлі ў Літву з Беларусі. Кошт кантрабанды ацанілі на суму больш за 700 тысяч еўра. Кіроўца затрыманы, праводзіцца расследаванне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.