Вы тут

У Лідзе кампанія падлеткаў разграміла кватэру, дзе адзначала Новы год

pixabay.com

Сапраўдным пагромам закончылася святкаванне Новага года для кампаніі падлеткаў у Лідзе. Свята яны адзначалі ў кватэры на сёмым паверсе шматкватэрнага дома, паведамляе прэс-служба УУС Гродзенскага аблвыканкама. 

Дзяўчына, бацькам якой належыць кватэра, вырашыла без дазволу дарослых паклікаць да сябе сяброў. У нейкі момант вечарынка выйшла з-пад кантролю: п'яныя падлеткі пачалі ламаць мэблю, біць люстры, выкідаць рэчы з акна. На шчасце, на вуліцы ніхто не пацярпеў.

Бацькі дзяўчыны звярнуліся ў міліцыю. Нанесеную шкоду яны ацанілі не менш як на дзве тысячы рублёў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.