У "крымскі чорны спіс" ЕС патрапіў адзін ураджэнец Беларусі (фота)
Гэта — віцэ-адмірал, камандуючы Чарнаморскім флотам Расіі Аляксандр Вітко.
Ён нарадзіўся ў 1961-м у Віцебску, аднак яшчэ юнаком з'ехаў на вучобу ва Украіну.
Спіс чыноўнікаў і сілавікоў Расіі і Украіны, якім забараняецца ўезд на тэрыторыю ЕС і актывы якіх будуць замарожаныя, быў апублікаваны ўвечары 17 сакавіка. У ім — 21 прозвішча.
Як стала вядома, у "чорны спіс" патрапілі таксама лідар "Справядлівай Расіі" і дэпутат Дзярждумы Расіі Сяргей Міронаў, камандуючы войскамі Паўднёвай вайсковай акругі генерал-палкоўнік Аляксандр Галкін, камандуючы войскамі Заходняй вайсковай акругі Анатоль Сідараў, кіраўнік камітэта Дзярждумы па справах СНД Леанід Слуцкі ды іншыя. Цалкам спіс гл. тут.
Фота Вітко — ria.ru
