Сёння Алена Купчына абмяркуе ў Кракаве ўзаемадзеянне Беларусі і Еўрасаюза
У гэтым польскім горадзе 17 траўня пачнецца сустрэча кіраўнікоў МЗС краін-сябраў Усходняга партнёрства і Вышаградскай чацвёркі.
У Кракаў запрасілі міністра замежных спраў нашай краіны Уладзіміра Макея, але паехала ў Польшчу яго намесніца Алена Купчына. Такое рашэнне ў справе ўзроўня прадстаўніцтва прыняў МЗС Беларусі.
У мерапрыемстве паўдзельнічаюць кіраўнікі знешнепалітычных ведамстваў Азербайджана, Арменіі, Беларусі, Грузіі, Малдовы, Украіны, Венгрыі, Польшчы, Славакіі і Чэхіі, а таксама вярхоўная прадстаўніца ЕС па замежнай палітыцы Кэтрын Эштан і камісар ЕС па пашырэнні і палітыцы еўрапейскага суседства Штэфан Фюле.
Як інфармуе прэс-служба МЗС Беларусі, у Купчыной у Кракаве запланаваны "шэраг двухбаковых сустрэч з прадстаўнікамі дзяржаў-членаў ЕС і еўрапейскіх інстытутаў для абмеркавання пытанняў, якія тычацца супрацоўніцтва краін-удзельніц Усходняга партнёрства і Вышаградскай групы, а таксама ўзаемадзеяння Беларусі з Еўрапейскім саюзам".
Запрашэнне на Віленскі саміт Усходняга партнёрства Беларусь хоча атрымаць на імя Лукашэнкі
Фота — bymedia.net, БЕЛТА