Вы тут

У Кіеве правялі следчы эксперымент па "справе Шарамета" (відэа)

Следчы эксперымент па "справе Шарамета" / hromadske.ua

У Кіеве быў праведзены следчы эксперымент па факце забойства журналіста Паўла Шарамета. У ім узяла ўдзел падазраваная доктарка і валанцёрка Юлія Кузьменка, перадае hromadske.

Крыміналісты хацелі праверыць хаду падазраванай, каб потым параўнаць з тым, што бачна на відэа з месца здарэння.

Жанчыну апранулі так, як, магчыма, яна была апранутая ў той дзень, калі ўзарвалі Паўла Шарамета. 

Адвакат жанчыны Уладзіслаў Добаш заявіў, што будзе дамагацца паўторнага правядзення следчага эксперыменту. Ён спаслаўся на тое, што на відэа ў матэрыялах справы бачна, што ішлі два чалавекі. На думку следства, другім падазраваным з'яўляецца музыка Андрэй Антоненка.

Добаш  паведаміў журналістам, што следчы эксперымент не завершаны: хада Юліі Кузьменка разглядалася толькі ў адной частцы эксперыменту.

Пра эксперымент таксама паведамілі адвакаты двух другіх затрыманых па "справе Шарамета" — Яны Дугар і Андрэя Антоненкі. Адвакат Антоненкі Станіслаў Кулік заявіў журналістам, што яго падабаронны не ўдзельнічаў у эксперыменце і быў дастаўлены ў следчы ізалятар. Па яго словах, яму не далі магчымасці азнаёміцца ​​з матэрыяламі справы, на падставе якіх праводзіўся следчы эксперымент. Ён дадаў, што падтрымлівае ініцыятыву правесці эксперымент, але толькі пасля прачытання матэрыялаў.

Журналіст Павел Шарамет, беларускі ўраджэнец, загінуў 20 ліпеня 2016 года. Яго аўтамабіль быў узарваны ў цэнтры Кіева. Напрыканцы 2019 года ўкраінская паліцыя затрымала падазраваных у яго забойстве — ваенную медсястру Яну Дугар, дзіцячага хірурга Юлію Кузьменка, музыку і валанцёра Андрэя Антоненку. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.