У Кіеве чацвёра мужчын з сякерамі напалі на джып (відэа)
У беспрацоўнага кіроўцы аўтамабіля яны забралі 100 тысяч грывен (больш за 10 тысяч долараў).
Дзёрзкі напад адбыўся пад прыцэлам камер відэаназірання на Падоле ва ўкраінскай сталіцы. Як інфармуе тэлеканал ТСН, бандыты мікрааўтобусам заблакавалі джып і кінуліся да пазадарожніка з сякерамі ды пачалі біць шкло.
У міліцыі кажуць, што выпадковы сведка здарэння спрабаваў абараніць кіроўцу джыпа ды адкрыў агонь з траўматычнай зброі. Зламыснікі пачалі адстрэльвацца. Грошы яны з салона аўтамабіля забралі і ўцяклі.
Цікава, што чацвёра бандытаў не хавалі свае твары. Цяпер іх шукаюць. Кіроўца джыпа трапіў у лякарню з парэзамі ад шкла.