У Кіеў прыехала старшыня Еўракамісіі і 15 еўракамісараў
![Урсула фон дэр Ляен на кіеўскім вакзале / twitter.com/vonderleyen](/sites/default/files/styles/gallery_main/public/2023-08/ursula-0202.jpg.webp?itok=ffGK4lnS)
Урсула фон дэр Ляен на кіеўскім вакзале / twitter.com/vonderleyen
Кіраўніца Еўракамісіі Урсула фон дэр Ляен наведвае Кіеў. Гэта ўжо яе чацвёрты візіт ва Украіну з пачатку паўнавартаснага ўварвання Расіі.
"Мы тут, каб прадэманстраваць: ЕС падтрымлівае Украіну так жа цвёрда, як і заўсёды", — заявіла фон дэр Ляен.
Разам з ёй у Кіеў прыбыла дэлегацыя з 15 еўракамісараў. У іх ліку вярхоўны прадстаўнік па знешніх справах і палітыцы бяспекі Жазэп Барэль, віцэ-старшыня па эканоміцы Валдзіс Дамброўскіс, камісар па ўнутраных справах Ілва Ёхансан, камісар па пытаннях суседства і пашырэння Олівер Вархеі ды іншыя.
У Кіеве павінен прайсці саміт Украіна-ЕС. На ім будуць абмяркоўвацца адносіны паміж Украінай і Еўрасаюзам, а таксама далучэнне краіны да ЕС.
Good to be back in Kyiv, my 4th time since Russia‘s invasion.
— Ursula von der Leyen (@vonderleyen) February 2, 2023
This time, with my team of Commissioners.
We are here together to show that the EU stands by Ukraine as firmly as ever.
And to deepen further our support and cooperation. pic.twitter.com/zf8fvoNKnG
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.