У Каталоніі праходзяць вулічныя акцыі пратэсту, паліцыя іх разганяе (фота)
![У Каталоніі праходзяць вулічныя акцыі пратэсту, паліцыя іх разганяе (фота)](/sites/default/files/styles/gallery_main/public/2023-08/2017-11-08t092753z_1525340868_rc157f1b7500_rtrmadp_3_spain-politics-catalonia.jpg.webp?itok=qkBOUgGX)
У сераду, 8 лістапада, у Каталоніі праходзяць вулічныя акцыі пратэсту. У іх удзельнічаюць прыхільнікі незалежнасці. Яны пратэстуюць супраць дзеянняў уладаў Іспаніі, якія адправілі пад арышт шэраг каталонскіх палітыкаў. Як вядома, 1 кастрычніка ў Каталоніі прайшоў рэферэндум, большасць удзельнікаў якога выказалася за незалежнасць ад Мадрыда. 27 кастрычніка каталонскі парламент прагаласаваў за незалежнасць. Улады Іспаніі ў адказ распусцілі парламент і урад аўтаноміі, прызначылі прамое кіраванне, новыя парламенцкія выбары, пачалі крымінальны пераслед лідараў незалежнікаў.
Шэраг нацыяналістычных арганізацый у сераду аб’явілі ў Каталоніі ўсеагульны страйк, аднак пакуль невядома, які ён мае маштаб. Актывісты перакрываюць вуліцы і аўтадарогі. Паліцыя спрабуе разблакаваць рух. Увечары чакаюцца больш масавыя акцыі пратэсту. Іх цэнтрам з’яўляецца Барселона.
Los Mossos no han podido evitar la invasión de manifestantes en la estación del AVE en Girona. #VagaGeneral8N Imágenes de @SergiUnanue pic.twitter.com/8DOYecpYAv
— La Vanguardia (@LaVanguardia) 8 ноября 2017 г.
La Policía Nacional carga contra un piquete en Barcelona en la jornada de huelga general. #VagaGeneral8N pic.twitter.com/5Q9pP4JD0v
— La Vanguardia (@LaVanguardia) 8 ноября 2017 г.