У Хабараўску пратэстоўцы асвоілі брэсцкую тактыку: яны выходзяць карміць галубоў

Жыхары Хабараўскага краю, якія патрабуюць вярнуць у рэгіён затрыманага губернатара Сяргея Фургала, пачалі флэшмоб #накормиголубей. Каб легалізаваць пратэстныя акцыі, яны выходзяць на вуліцамі з хлебам, зернем і іншым кормам для птушак. І кормяць іх — бо гэта не забаронена.

Аўтар флэшмоба — хабараўскі журналіст Аляксей Раманаў. У першы раз ён выйшаў карміць галубоў 16 ліпеня 2020 года. Пакуначка семак хапіла, каб да Раманава зляцеліся птушкі з усяго Хабараўска.

Журналіст апублікаваў на Youtube відэа з заклікам накарміць галодных галубоў. Прычым не абмяжоўвацца Хабараўскам — бо птушкам не хапае корму па ўсёй Расіі! Ідэя пайшла ў народ. Галубоў цяпер кормяць ва Уладзівастоку, у Саянах і ў іншых расійскіх гарадах.

Чуткі пра кармленне галубоў дайшлі да Міхаіла Дзегцярова, прызначанага выконваць абавязкі губернатара. "Галубы ўжо перакормленыя. Самыя тоўстыя галубы, якіх я бачыў", — адказаў ён на пратэсты.

Цікава, што кармленне галубоў ўжо два гады выкарыстоўваюць як нагода выйсці на вуліцы ў Брэсце. Актывісты, якія выступаюць супраць будаўніцтва акумулятарнага завода, упершыню правялі такую ​​акцыю ў сакавіку 2018 года. З тых часоў яны кожную нядзелю шпацыруюць па горадзе і кормяць птушак.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.