У Гродне з'явіліся плакаты з надпісамі “Гродна — горад музей”
У Гродне па ініцыятыве ўладаў з'явіліся плакаты з надпісамі “Гродна — горад музей”. Разам з гэтым у абаронцаў гістарычнай часткі горада ад руйнавання з'явілася надзея.
Назва “Гродна — горад музей” не новая. Яшчэ ў 1988 годзе быў зацверджаны план рэканструкцыі гораду, паводле якога цэнтр Гродна мусіў стаць пешым, а старыя дамы — аднаўляцца паводле еўрапейскіх правілаў рэстаўрацыі.
Называўся праект “Гродна — горад музей”. Ён быў зацверджаны тагачаснай уладай і па сёння захоўваецца ў Міністэрстве культуры.
Цяпер дэпутат Сяргей Маскевіч вырашыў рэанімаваць стары праект, каб захаваць помнікі гісторыі і культуры Гродна і правесці рэканструкцыю паводле еўрапейскіх правілаў.
Гродзенскія гісторыкі Вячаслаў Швед, Алесь Госцеў, Наталля Сліш ды іншыя зладзілі сустрэчу з дэпутатам на кафедры беларускай культуры Гродзенскага дзяржаўнага ўніверсітэту, каб паведаміць пра існуючыя парушэнні сённяшняй рэканструкцыі старога цэнтру Гродна.
Гісторыкі распавялі дэпутату пра адмысловую атмасферу горада, пра тое, што няма спецыялістаў-рэстаўратараў, што адсутнасць археолагаў на месцы раскопак — жорсткае парушэнне закону.
Гаворыць гісторык Вячаслаў Швед, ініцыятар сустрэчы:
“На сённяшні дзень у Горадні значная колькасць помнікаў знішчаная незваротна, таму мы вырашылі сустрэцца з прадстаўнікамі ўладаў, з дэпутатам Маскевічам, каб данесці нашую надзею, каб захаваць тое, што можна яшчэ захаваць”.
Дэпутат Маскевіч прызнаўся, што даведаўся шмат новага і зробіць усё магчымае, каб паўплываць на ўлады горада і ажыццявіць праект рэканструкцыі 1988 года.
Янка Багушэвіч, Еўрапейскае радыё для Беларусі
Назва “Гродна — горад музей” не новая. Яшчэ ў 1988 годзе быў зацверджаны план рэканструкцыі гораду, паводле якога цэнтр Гродна мусіў стаць пешым, а старыя дамы — аднаўляцца паводле еўрапейскіх правілаў рэстаўрацыі.
Называўся праект “Гродна — горад музей”. Ён быў зацверджаны тагачаснай уладай і па сёння захоўваецца ў Міністэрстве культуры.
Цяпер дэпутат Сяргей Маскевіч вырашыў рэанімаваць стары праект, каб захаваць помнікі гісторыі і культуры Гродна і правесці рэканструкцыю паводле еўрапейскіх правілаў.
Гродзенскія гісторыкі Вячаслаў Швед, Алесь Госцеў, Наталля Сліш ды іншыя зладзілі сустрэчу з дэпутатам на кафедры беларускай культуры Гродзенскага дзяржаўнага ўніверсітэту, каб паведаміць пра існуючыя парушэнні сённяшняй рэканструкцыі старога цэнтру Гродна.
Гісторыкі распавялі дэпутату пра адмысловую атмасферу горада, пра тое, што няма спецыялістаў-рэстаўратараў, што адсутнасць археолагаў на месцы раскопак — жорсткае парушэнне закону.
Гаворыць гісторык Вячаслаў Швед, ініцыятар сустрэчы:
“На сённяшні дзень у Горадні значная колькасць помнікаў знішчаная незваротна, таму мы вырашылі сустрэцца з прадстаўнікамі ўладаў, з дэпутатам Маскевічам, каб данесці нашую надзею, каб захаваць тое, што можна яшчэ захаваць”.
Дэпутат Маскевіч прызнаўся, што даведаўся шмат новага і зробіць усё магчымае, каб паўплываць на ўлады горада і ажыццявіць праект рэканструкцыі 1988 года.
Янка Багушэвіч, Еўрапейскае радыё для Беларусі
