У Гродне затрымалі вакаліста кавэр-бэнда Fair Play
Аляксандр Гайваронскі / hrodna.life
У Гродне сілавікі затрымалі вакаліста кавэр-бэнда Fair Play Аляксандра Гайваронскага. Звесткі пра гэта з'явіліся ў праўладным тэлеграм-канале.
Мужчына пад відэазапіс кажа, што выступаў у вопратцы "з забароненай сімволікай" і быў падпісаны на "забароненыя экстрэмісцкія каналы". Як вынікае, забароненай сімволікай сілавікі палічылі майку з гістарычным гербам "Пагоня".
Таксама на відэа бачна, што затрымалі Гайваронскага на працы.
Як піша hrodna.life, у Гродне Гайваронскі вядомы як Саша Ленан. Ён быў вулічным музыкам, выступае з рознымі праектамі ў барах, кавярнях і на гарадскіх пляцоўках.
