У Гродне новую лякарню будуюць на месцы дому стылю мадэрн
У Гродне пачалі будаваць новы хірургічны корпус абласнога дзіцячага шпіталю. Ужо падрыхтаваная дакументацыя па праекце і выкупленае месца, дзе гэты будынак будзе пабудаваны. На гэты момант для пабудовы гэтага корпуса выдаткавана 14 мільярдаў рублёў. У той жа час на рэканструкцыю старога корпуса шпіталя і на замену абсталявання за 2006-2007 год была затрачаная тая ж сума.
Нагадаем, што новы корпус гарадзенскага шпіталя паўстане на завулку Рэйманта. На гэтым месцы раней стаялі два дамы, адзін з якіх (зав. Рэйманта №1) пабудаваны ў другой палове 1930-х г. і з’яўляецца цікавым прыкладам двухпавярховага кватэрнага дома з мансардай для польскіх афіцэраў-лётчыкаў, што абслугоўвалі мясцовы аэрадром.
Жыхары з дома высяляцца не хацелі, аднак іх паставілі перад фактам. Гродзенскія гісторыкі прапаноўвалі гарадскім уладам рацыянальна ўкладаць грошы ў развіццё гэтага раёна: напрыклад, надбудоўваць у двухпавярховых хрушчоўках яшчэ адзін-два паверхі з кватэрамі павышанай камфортнасці. Аднак улады нават не разглядалі гэтую прапанову.
Сяргей Апановіч, Еўрарадыё, Гродна
Нагадаем, што новы корпус гарадзенскага шпіталя паўстане на завулку Рэйманта. На гэтым месцы раней стаялі два дамы, адзін з якіх (зав. Рэйманта №1) пабудаваны ў другой палове 1930-х г. і з’яўляецца цікавым прыкладам двухпавярховага кватэрнага дома з мансардай для польскіх афіцэраў-лётчыкаў, што абслугоўвалі мясцовы аэрадром.
Жыхары з дома высяляцца не хацелі, аднак іх паставілі перад фактам. Гродзенскія гісторыкі прапаноўвалі гарадскім уладам рацыянальна ўкладаць грошы ў развіццё гэтага раёна: напрыклад, надбудоўваць у двухпавярховых хрушчоўках яшчэ адзін-два паверхі з кватэрамі павышанай камфортнасці. Аднак улады нават не разглядалі гэтую прапанову.
Сяргей Апановіч, Еўрарадыё, Гродна