У Гродне міліцыя зацікавілася гандляром, які прадаваў акуляры, зняўшы штаны

У Гродне міліцыя зацікавілася гандляром, які на Скідзельскім рынку прадаваў акуляры, зняўшы штаны. Яго хутка знайшлі. Як інфармуе прэс-служба МУС, свой учынак 49-гадовы мужчына не змог патлумачыць, на рынку ён быў у стане алкагольнага ап'янення. Распачатая крымінальная справа, артыкул — "хуліганства". Міліцыянеры высветлілі, што мужчына дэманстраваў свае палавыя органы пакупнікам, а сярод іх — пяці дзяўчынам.

Вядома, што раней мужчына быў падазраваным у здзяйсненні злачынства, а аднойчы звяртаўся ў міліцыю з заявай аб крадзяжы акуляраў, якімі гандляваў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.