Вы тут

У Гродне адмянілі паказ пастаноўкі "Кадзіш" па творах Аляксандра Галіча

У Гродне забаранілі пастаноўку "Кадзіш" / t.me/by_culture

У Гродне адмянілі сустрэчу з акторамі і паказ пастаноўкі “Кадзіш” паводле твораў Аляксандра Галіча, паведамляе тэлеграм-канал by_culture. 

Арганізатараў — актораў Ігара Уланава, Аляксея Станогу, Паліну Левіну, Аксану Машынкову выклікалі ў пракуратуру горада. Там іх папярэдзілі, што на іх могуць пачаць крымінальную справы па артыкуле “распальванне расавай, нацыянальнай, рэлігійнай альбо іншай сацыяльнай варажнечы”.

Вершы і песні Аляксандра Галіча, якія ўвайшлі ў цыкл "Кадзіш", прысвячаюцца тэме Халакосту і трагедыі габрэяў у Другой Сусветнай вайне.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.