Пасля перамогі ў Мадрыдзе ў Азаранка зафіксавалі ўнікальнае дасягненне
![Вікторыя Азаранка](/sites/default/files/styles/gallery_main/public/2024-04/edqwpk3bafoxvavqvfpdzbe46i.jpg.webp?itok=ovEkXEHj)
Вікторыя Азаранка / Reuters
Вікторыя Азаранка (26-я ў сусветным рэйтынгу) выйшла ў трэці круг турніру ў Мадрыдзе. У сваім першым паядынку (1/32 фіналу) беларуская тэнісістка абыграла Таццяну Марыю (67) з Германіі — 6:3, 6:1. Іх гульня працягвалася менш за паўтары гадзіны.
Наступная саперніца — Сара Сарыбес-Торма (55) з Іспаніі, якая ў другім крузе абыграла ўкраінку Эліну Світоліну (18).
Азаранка стала першай тэнісісткай у туры, якая здолела атрымаць 200 перамог на турнірах катэгорыі WTA 1000, пачынаючы з 2009 года.
Арына Сабаленка (2) у пятніцу ў 1/32 фіналу сустрэнецца з Магдай Лінэт (48) з Польшчы. У 2023-м Сабаленка перамагала ў Мадрыдзе.
WTA 1000 victory number 200!@vika7 notches a milestone win by getting past Maria in Madrid to reach Round 3.#MMOPEN pic.twitter.com/3MesAYfZiH
— wta (@WTA) April 25, 2024
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.