У Гродна мужчына кінуў петарду ў кампанію падлеткаў, якія яму перашкаджалі

У Гродне мужчына скінуў з балкона чацвёртага паверха петарду на кампанію падлеткаў. Інцыдэнт адбыўся ўвечары ў суботу, 1 чэрвеня.

57-гадовы мужчына кінуў петарду на стол, дзе сядзела кампанія непаўналетніх. Петарда разарвалася, і 16-гадовы юнак атрымаў апёк пляча.

Падлеткі сцвярджаюць, што перад тым ніхто не рабіў ім заўвагаў, і ніякага канфлікту не было. Петарда прыляцела раптоўна.

Калі адбыўся выбух і стала зразумела, што пацярпеў хлопец, мужчына з'ехаў з месца здарэння на машыне. У горадзе і раёне ўвялі план "Перахоп". Неўзабаве мужчыну затрымалі — тады ён расказаў, што падлеткі яму перашкаджалі.

Па факце здарэння праводзіцца праверка.