У Грэцыі дэпутаты спустошылі банкаматы ў будынку парламента
Займацца гэтым яны пачалі адразу абвяшчэння аб рэферэндуме, на якім будуць абмяркоўвацца ўмовы фінансавай дапамогі ад еўрапейскіх крэдытораў.
Парламентарыі Грэцыі знялі ўсе грошы з банкаматаў, усталяваных у будынку. Сярод тых, хто здымаў грошы, былі і прадстаўнікі кіруючай партыі СІРЫЗА.
Як піша lenta.ru, масавае здыманне грошай пачалося адразу пасля таго, як у ноч на 27 чэрвеня стала вядома аб рэферэндуме, на якім грэкі будуць выказаць сваё меркаванне пра ўмовы фінансавай дапамогі ад еўрапейскіх крэдытораў.
У чаргу перад банкаматамі сталі не толькі дэпутаты, але і звычайныя грамадзяне краіны. Мясцовыя СМІ паведамляюць, што ў першую палову дня ў суботу, 27 чэрвеня, было знята наяўнымі каля 400 мільёнаў еўра.
Рэферэндум наконт мераў эканоміі пройдзе ў Грэцыі 5 ліпеня. Кіраўніцтва Еўрасаюза не падтрымала ініцыятыву Афінаў. 27 чэрвеня міністры фінансаў еўразоны адмовіліся падоўжыць праграму дапамогі Грэцыі, якая заканчваецца 30 чэрвеня. Пры гэтым Еўрагрупа заявіла, што далейшыя перамовы з Грэцыяй немагчымыя.
Фота — Reuters
