У Гомелі затрымалі яшчэ пяць чалавек

У Гомелі затрымалі яшчэ пяць чалавек. Мужчыны кажуць на відэа сілавікоў, што былі падпісаныя на рэсурсы, якія ў РБ прызналі "экстрэмісцкімі". У затрыманнях удзельнічаў АМАП. Як мінімум у адным выпадку сілавікі ламалі дзверы кватэры. Верагодна, некаторых жыхароў Гомеля схапілі на працы.

Што чакае затрыманых, не ўдакладняецца.

Затрыманні працягваюцца па ўсёй Беларусі. У Гомелі за "экстрэмізм" нядаўна затрымалі дырэктара IT‑кампаніі. Днямі ў Полацку і Наваполацку схапілі каля 40 чалавек.