У Гомелі пры зносе старога будынку загінуў рабочы

Следча-аператыўная група працуе ў Гомелі на месцы, дзе абрынуўся закінуты будынак склада Гомельскага абласнога тэхнагандлёвага цэнтра "Гарант". Як паведамляе прэс-служба Следчага камітэта, пры здарэнні пацярпелі два чалавекі.

Будынак абваліўся, калі рабочыя займаліся яго дэмантажом. На аб'екце працавалі сем чалавек.

Пры аглядзе завалаў знайшлі цела 60-гадовага рабочага ААТ "Гарант". Для высвятлення дакладнай прычыны смерці прызначылі судова-медыцынскую экспертызу. Яшчэ адзін 58-гадовы рабочы з ірванай ранай наогі дастаўлены ў медыцынскую ўстанову.

Усе абставіны здарэння высвятляе Гомельскі гарадскі аддзел Следчага камітэта.

Фота: sk.gov.by