У Гомелі дзяўчына хацела зрабіць сэлфі, але сарвалася і разбілася
Дзяўчына ўпала з вышыні дзевяці метраў на бетонную апору / @ skgovby
Дзяўчына хацела зрабіць сэлфі, але загінула. Трагедыя адбылася ў Гомелі раніцай у нядзелю, расказалі ў Следчым камітэце. Дзяўчына была з кампаніяй і, паводле звестак следчых, нецвярозая. У нейкі момант яна захацела сфатаграфавацца на пуцеправодзе над чыгуначнымі рэйкамі.
Яна залезла па тэхнічнай лесвіцы на трубу, "не ўтрымалася і ўпала з вышыні больш за дзевяць метраў на бетонную апору", расказалі ў СК. Ад атрыманых траўмаў дзяўчына памерла да прыезду медыкаў. Ёй было 22 гады.
Следчыя цяпер праводзяць праверку.
