У Германіі мужчына напаў на пасажыраў аўтобуса і параніў нажом 14 чалавек
Каля горада Любек на поўначы Германіі невядомы мужчына ў рэйсавым аўтобусе дастаў з заплечніка нож і напаў на пасажыраў. Раненні атрымалі 14 чалавек, перадае РБК. У двух чалавек — цяжкія раненні, яшчэ 12 атрымалі нямоцныя парэзы.
Паліцыя затрымала нападніка. На першым допыце выявілася, што ён з'яўляецца ўраджэнцам Ірана.
Матывы злачынства пакуль не паведамляюцца.
Дарэчы, на пачатку ліпеня падобны выпадак адбыўся ў канадскай правінцыі Антарыё. Там на пасажыраў аўтобуса напала жанчына з нажом, якая параніла чатырох чалавек.
