У ФСБ Расіі сцвярджаюць, што затрымалі абразы, у якіх была схаваная выбухоўка
![Затрыманыя абразы](/sites/default/files/styles/gallery_main/public/2024-04/ikony_2_04_1.jpg.webp?itok=Mp-DJj8_)
Затрыманыя абразы / пресс-служба ФСБ России
Супрацоўнікі ФСБ на латвійска-расійскай мяжы затрымалі груз абразоў і царкоўнага начыння. У ім была схаваная выбухоўка, сцвярджае ТАСС. Паводле звестак агенцтва, "груз накіроўваўся з Украіны праз Румынію, Венгрыю, Славакію, Польшчу і Літву ў Расію".
У абразах, гаворыцца ў паведамленні, супрацоўнікі ФСБ знайшлі 27 самаробных выбуховых прылад, а таксама 70 кг пластычнага выбуховага рэчыва падвышанай магутнасці, 91 электрадэтанатар і часткі стрэлу да РПГ-7. "Гэтага аб'ёму выбухоўкі дастаткова, каб у паветра ўзляцеў тыпавы пяціпавярховік", — сцвярджае расійскі рэсурс 112, блізкі да сілавікоў.
Затрыманы адзін чалавек. На яго завялі крымінальную справу за "незаконнае перамяшчэнне праз мяжу РФ выбуховых рэчываў і выбуховых прылад". ФСБ мае намер яшчэ абвясціць у вышук арганізатараў і саўдзельнікаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.