У Дзяржынскім раёне ўзброеныя жанчына і мужчына напалі на аграсядзібу

У Дзяржынскім раёне ў вёсцы Вясёлы Вугал адбыўся ўзброены напад на аграсядзібу. 57-гадовая мясцовая жыхарка і яе 47-гадовы знаёмы з Мінска былі п’яныя, пры сабе мелі паляўнічую стрэльбу. Яны пагражалі грамадзянам, якія з дзецьмі адпачывалі каля аграсядзібы.

Як інфармуе афіцыйная прадстаўніца УСК па Мінскай вобласці Таццяна Беланог, жанчына таксама нецэнзурна лаялася, казала, што можа стрэліць. А мужчына, гаспадар паляўнічай стрэльбы, у гэты час дэманстрацыйна зараджаў патроны. На месца выклікалі міліцыю, якая затрымала хуліганаў. Яны, дарэчы, не змаглі патлумачыць свае дзеянні, спасылаюцца на стан алкагольнага ап’янення.

Крымінальную справу распачалі па факце хуліганства.