У ДТЗ з турыстычным аўтобусам у Італіі пацярпела грамадзянка Беларусі
У ДТЗ з турыстычным аўтобусам, што адбылося раніцай 22 траўня ў Італіі, пацярпела грамадзянка Беларусі. Яна атрымала лёгкія траўмы. Амбасада нашай краіны ў Рыме аказвае ёй неабходнае судзеянне, паведамляе Міністэрства замежных справаў Беларусі:
.@AmbasciataBLR оказывает необходимое содействие гражданке Беларуси, получившей легкие травмы в результате аварии автобуса в Италии
— МИД Беларуси (@BelarusMID) May 22, 2019
22 траўня каля 9:30 аўтобус SETRA з рускамоўнымі турыстамі — грамадзянамі Арменіі, Беларусі, Казахстана, Малдовы, Расіі, Румыніі і Украіны — з’ехяў з дарогі і перакуліўся на Аўтастрадзе 3, якая спалучае Фларэнцыю і Сіену. У аўтобусе было 60 пасажыраў.
Адна жанчына загінула — італьянскія СМІ высветлілі, што гаворка пра 40-гадовую жанчыну-экскурсавода. 19 чалавек (сярод іх беларуска) атрымалі траўмы.
На месца здарэння тэрмінова прыбылі выратавальнікі. Яны былі вымушаныя дэблакаваць пасажыраў, якія не маглі выбрацца з сярэдзіны аўтобуса самастойна.
#22maggio 11:00, intervento dei #vigilidelfuoco in corso dalle 9:30 a Monteriggioni (SI) per un pullman uscito fuori strada sul Raccordo Autostradale 3, al km 7 in dir. Sud. Squadre al lavoro per soccorrere alcuni passeggeri incastrati nel mezzo pic.twitter.com/Lw5syOFc8U
— Vigili del Fuoco (@emergenzavvf) May 22, 2019
#22maggio 13:00, incidente pullman Monteriggioni (SI): terminate le operazioni di soccorso, estratti dalle lamiere quattro feriti e recuperato il corpo purtroppo privo di vita di una donna pic.twitter.com/IeuWcH7wyy
— Vigili del Fuoco (@emergenzavvf) May 22, 2019
Кіроўца аўтобуса быў цвярозы. Па папярэдняй версіі, ён страціў прытомнасць за рулём.
