У ДТЗ пад Камянцом загінуў 25-гадовы кіроўца

У ДТЗ пад Камянцом загінуў 25-гадовы кіроўца “Фольксвагена Пасата”. Як паведамляе прэс-служба Брэсцкай абласной ДАІ, здарэнне адбылося позна ўвечары 14 ліпеня на трасе паміж вёскамі Свішчова і Войскай.

Кіроўца машыны з’ехаў на ўзбочыну дарогі і там урэзаўся ў дрэва. Ад сутыкнення шафёр атрымаў траўмы і сканаў да прыбыцца на месца здарэння медыкаў хуткай. На заднім сядзенні быў 14-гадовы пасажыр — ён жывы, але атрымаў пашкоджанні і цяпер знаходзіцца ў рэанімацыі.

Акалічнасці здарэння высвятляюцца.