У Чачэрску жанчына абліла бензінам каханку мужа і падпаліла
Пацярпелую шпіталізавалі з апёкамі, а падпальшчыцу затрымалі.
У Чачэрску міліцыя затрымала 41-гадовую жанчыну. Яе падазраюць ў наўмысным нанясенні цяжкіх цялесных пашкоджанняў іншай жыхарцы гэтага раённага цэнтра ў Гомельскай вобласці.
Як інфармуе БЕЛТА, жанчына заспела на лецішчы свайго мужа з каханкай і ўчыніла скандал. Яна абліла ногі 38-гадовай жанчыны бензінам і падпаліла. У выніку пацярпелая атрымала апёкі 1, 2 і 3 ступеняў, у яе пашкоджана 18% цела. У бальніцы высветлілася, што ў жанчыны і тэрмаінгаляцыйная траўма.
Падпальшчыца цяпер знаходзіцца ў ізалятары часовага ўтрымання. Распачатая крымінальная справа.
