У Чачэрску графскую сядзібу другі раз спрабуюць прадаць за адну базавую
![Графская сядзіба ў Чачэрску](/sites/default/files/styles/gallery_main/public/2024-06/photo_2024-06-15_14-25-38.jpg.webp?itok=KFa663Ey)
Графская сядзіба ў Чачэрску
У Чачэрску графскую сядзібу — радавое гняздо графа Чарнышова-Круглікава — прадаюць за адну базавую велічыню. Раней за яе прасілі амаль 860 тысяч.
Затым у спробах прадаць аб'ект кошт знізілі ўдвая. А летась мясцовыя ўлады пагадзіліся саступіць будынак за адну базавую велічыню.
Тады яна складала 37 рублёў, а цяпер — 40. Атрымліваецца, за год лот падаражэў на тры рублі.
Сядзіба — помнік архітэктуры XIX стагоддзя. Яна пабудаваная ў 1860 годзе. Напачатку XX стагоддзя ў будынку размяшчалася школа. А пасля Другой сусветнай там працавалі вечаровая школа, дзіцячая бібліятэка, Дом піянераў, гісторыка-этнаграфічны музей, цэнтр рамёстваў, фальклору і этнаграфіі.
![В Чечерске графскую усадьбу второй раз пытаются продать за одну базовую](/sites/default/files/styles/default_image_paragraph/public/paragraphs/image/photo_2024-06-15_14-25-38%20%282%29.jpg.webp?itok=oP9Q_e4h)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.