У цэнтры Мінска Opel “паслізнуўся” і выскачыў на тратуар
У цэнтры Мінска аўтамабіль Opel раптоўна “паслізнуўся” і выскачыў на тратуар. Здарэнне адбылося па абедзе 11 чэрвеня на скрыжаванні праспекта Незалежнасці з вуліцай Леніна, калі “Макдональдса”.
Пра гэты дарожны інцыдэнт распавёў у Фэйсбуку музыка і журналіст Аляксандр Памідораў.
Як вынікае са зробленых фота, машына знесла дэкаратыўную агароджу на тратуары і змяла клумбу з кветкамі. Ні мінакі, ні кіроўца ў здарэнні не пацярпелі.
