У Бялыніцкім раёне аўтамабіль збіў мядзведзя, кіроўцу шукаюць
![У Бялыніцкім раёне аўтамабіль збіў мядзведзя, кіроўцу шукаюць](/sites/default/files/styles/gallery_main/public/2023-08/6e6e765cf3062c4297e9a45c4c287b22.jpg.webp?itok=n5Baqwgp)
У Бялыніцкім раёне аўтамабіль збіў мядзведзя, жывёла загінула. Кіроўца з месца здарэння, якое адбылося ўначы на трасе Мінск — Магілёў, з’ехаў, яго шукае міліцыя. Праверку па факце гібелі бурага мядзведзя праводзяць сумесна супрацоўнікі прыродааховы і інспектары ДАІ. Як вядома, ён занесены ў Чырвоную кнігу. Кіроўцу пагражае крымінальная адказнасць і вялікі штраф — 27600 рублёў.
Як інфармуе сайт sb.by, тушу жывёлы перадалі ў мясцовы лясгас. Спецыялісты кажуць, што мядзведзю было 2-3 гады. Выпадкі, калі гэтыя жывёлы выходзяць на трасу і трапляюць пад колы аўтамабіляў — вельмі рэдкія (у Магілёўскай вобласці такога не здаралася, як мінімум, 15 гадоў).