У Брэсце затрымалі студэнта, які на занятках намаляваў выбух на Крымскім мосце
![Аляксей Гарох і яго малюнак / t.me/viasna_brest](/sites/default/files/styles/gallery_main/public/2023-08/33_4.jpg.webp?itok=UI5W2v3-)
Аляксей Гарох і яго малюнак / t.me/viasna_brest
У Брэсце затрымалі студэнта БрДУ імя Пушкіна, які на занятках намаляваў нядаўні выбух на Крымскім мосце, а побач — украінскі жоўта-блакітны сцяг. Як піша @viasna_brest, гэта 19-гадовы Аляксей Гарох. Сілавікі знялі з ім "пакаяльнае відэа". Хлопец кажа на ім, што раскайваецца ў падтрымцы Украіны, у абразе “вашага прэзідэнта Аляксандра Лукашэнкі”, у перасылцы ў “Вконтакте” паведамлення "аб перамяшчэнні рускіх войскаў" з асуджэннем гэтага. На студэнта могуць быць складзеныя пратаколы за “распаўсюд нацысцкай сімволікі” і “распаўсюд экстрэмісцкіх матэрыялаў”. Таксама яго могуць вінаваціць у абразе Лукашэнкі.
Пра малюнак студэнта сілавікі сказалі, што хлопец адчувае “радасць ад тэракту на Крымскім мосце”. Ці будуць Аляксея Гароха прыцягваць да адказнасці, пакуль невядома.
Рэспубліка Беларусь — саюзнік агрэсара-Расіі, таму ўлады пераследуюць усе публічныя выказванні падтрымкі Украіны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.