У Брэсце затрымалі падлеткаў, якія збілі мінакоў
![Затрыманыя двое падлеткаў / ілюстрацыйнае фота pixabay.com](/sites/default/files/styles/gallery_main/public/2023-08/prison_19_01.jpg.webp?itok=PG4WzX6H)
Затрыманыя двое падлеткаў / ілюстрацыйнае фота pixabay.com
Брэсцкая міліцыя ўзбудзіла крымінальную справу супраць падлеткаў, якія жорстка збілі двух мінакоў. Свае дзеянні хлопцы здымалі на тэлефон, расказалі ў Следчым камітэце. Падлеткі — навучэнцы мясцовага каледжа. У канфлікт з мінакамі яны ўвязаліся пасля распівання спіртных напояў. У групе было пяць чалавек, але асабліва "вызначыліся" двое. Яны затрыманыя.
Першую дапамогу пацярпелым аказалі відавочцы. Яны ж і выклікалі міліцыю. Адзін з пацярпелых мужчын цяпер у бальніцы. У яго адкрытая чэрапна-мазгавая траўма.
Справу супраць падлеткаў распачалі па ч. 2 ст. 147 (наўмыснае прычыненне цяжкага цялеснага пашкоджання, небяспечнага для жыцця, здзейсненае з хуліганскіх меркаванняў групай асоб) Крымінальнага кодэкса Рэспублікі Беларусь.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.