Вы тут

У Брэсце міліцыянты падчас Марша Справядлівасці стралялі ў паветра

Скрыншот з відэа

У Брэсце міліцыянты падчас Марша Справядлівасці стралялі ў паветра. Тут удзень 20 верасня адбыліся жорсткія сутычкі сілавікоў і пратэстоўцаў.

У пэўны момант шэсця ў шэрагі "людзей у чорным" у адказ на іх дзеянні паляцелі бутэлькі. Тады яны сталі затрымліваць пратэстоўцаў яшчэ больш жорстка. А адзін з міліцыянтаў зрабіў папераджальны стрэл у паветра — у той момант яго калегі навокал праводзілі затрыманні.

На відэа трапіў момант стрэлу. Таксама чуваць, як міліцыянт перазаражае зброю.

Агулам у Брэсце 20 верасня былі затрыманыя дзясяткі чалавек. Каб абараніцца, яны станавіліся ў сцэпкі. Тады міліцыянты ўжывалі супраць іх пярцоўку з газавых балончыкаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.