У Брэсце аштрафавалі ўдзельнікаў акцыі салідарнасці (фота)

На 70 тысяч рублёў кожнага аштрафаваў суд Ленінскага раёна Брэста пяцёх удзельнікаў акцыі салідарнасці з палітзняволенымі, якая прайшла ў горадзе напярэдадні. Актывістаў грамадзянскай камапніі "Еўрапейская Беларусь" Уладзіміра Шэлега, Яўгена Скрабца, Іларыёна Касянчука, Наталлю Гагалюк і Кацярыну Ішчык пакаралі за "парушэнне ўстаноўленага парадку правядзення масавых мерапрыемстваў".

Нагадаем, увечары ў чацвер хлопцы і дзяўчаты з расцяжкай "Свабоду палітзняволеным!" і сцягам "Еўрапейскай Беларусі" сядзелі каля помніка Леніну на галоўнай плошчы Брэста. Іх затрымалі, ноч маладыя людзі правялі ў ізалятары часовага ўтрымання.

Студэнтка Наталля Гагалюк выступала ў судзе па-беларуску:

"Гэта маё першае затрыманне. Анімала не шкадую, што была на акцыі. Бо людзі зняволеныя з палітычных матываў. Там багата хто мае сябры. І ваўкавыскія прадпрымальнікі. Мяркую, трэба было мне прайсці праз гэта. Каб надалей не баяцца".



На здымку: перад будынкам суда Яўген Скрабец, Наталля Гагалюк і Ўладзімір Шэлег