Вы тут

У Беларусі затрыманы меркаваны забойца сям'і расійскага банкіра

Расійскія следчыя ў хаце забітага банкіра ў Маскве / РІА Навіны​

Меркаваны забойца сям'і банкіра Яхонтава ў Маскве затрыманы на тэрыторыі Беларусі, паведамляе Sputnik.by.

Праваахоўныя органы пакуль не раскрываюць, як дадзены затрыманы прыбыў у Беларусь, спасылаючыся на аператыўную таямніцу. Затрыманне адбылося ў адной з гасцініц Віцебскай вобласці падчас спецаперацыі і на аснове інфармацыі, якая паступіла ад расійскага боку.

Пра гібель сям'і 57-гадовага банкіра Міхаіла Яхонтава ў Маскве стала вядома ў аўторак. У доме на Масфільмаўскай вуліцы былі забітыя ён сам, яго жонка і васьмігадовы сын.

Яхонтаў у 2019 годзе быў асуджаны за крадзеж і наўмыснае банкруцтва "Смаленскага банка".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.