У Беларусі прызналі "экстрэмісцкімі" сайт і сацсеткі "Трыбуны"
![У Беларусі прызналі "экстрэмісцкімі" сайт і сацсеткі "Трыбуны"](/sites/default/files/styles/gallery_main/public/2023-08/try_0.jpg.webp?itok=qNbw3WS8)
У Беларусі прызналі "экстрэмісцкімі" сайт і сацсеткі "Трыбуны", паведамляе прэс-служба МУС. 6 жніўня рашэнне вынес Чыгуначны суд Віцебска, які задаволіў заяву абласнога ўпраўлення ГУБАЗіК МУС. Сцвярджаецца, што "адміністратары супольнасцяў размяшчалі матэрыялы, якія заклікаюць да экстрэмісцкай дзейнасці".
Беларуская "Трыбуна" — папулярны спартыўны сайт, які шмат піша пра спартсменаў, якія выступілі супраць гвалту сілавікоў і фальсіфікацыі вынікаў прэзідэнцкіх выбараў (яго заблакавалі яшчэ летась). Цяпер жа ў нашай краіне за публікацыю (рэпост) інфармацыі з сайта і сацсетак "Трыбуны" прадугледжана адміністрацыйная адказнасць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.