У Беларусі працуюць над стварэннем комплексу для збіцця дронаў
Беларускі вайсковец на занятках на палігоне / t.me/modmilby/
У Беларусі працуюць над стварэннем комплексу для збіцця дронаў, якія ляцяць на нізкай вышыні. Робяць гэта "на новых прынцыпах паражэння". Пра гэта, як пра адну з галоўных задач на 2024 год, распавёў старшыня Дзяржкамваенпрама Дзмитрый Пантус. Паводле яго слоў, іншы важны напрамак дзейнасці — ракетабудаванне.
"Прынята рашэнне па асваенні новых вытворчасцяў, — цытуе словы Пантуса БЕЛТА. — Мы атрымалі цэлы шэраг задач, якія будуць рэалізоўвацца ў самы бліжэйшы час. І мы да гэтай працы ўжо прыступілі".
Барацьба з баявымі беспілотнікамі актуальная і для Расіі, і для Украіны. Налёты адбываюцца штодня. Для ліквідацыі дронаў выкарыстоўваюцца самыя розныя сродкі, але праблема дагэтуль не вырашана.
На відэа — праца ўкраінскай мабільнай агнявой групы, якая палюе на расійскія дроны.
