У Беларусі асуджаная яшчэ адна расіянка, прызнаная палітзняволенай

У сілавікоў аказалася фота, на якім Кухарава і Цвікевіч ідуць у адным шэрагу на адной з вулічных акцый пратэсту ў Мінску. Іх прызналі вінаватымі ў "арганізацыі і падрыхтоўцы дзеянняў, якія груба парушаюць грамадскі парадак...". Наста Кухарава асуджана на тры гады "хатняй хіміі".

29-гадовую Веру Цвікевіч беларускія сілавікі затрымалі 27 студзеня ў Мінску, 24-гадовую Насту Кухараву — 31 студзеня. Да суда іх утрымлівалі ў СІЗА № 1. Кухарава выйшла з-за кратаў, а Цвікевіч засталася. Грамадзянка Расіі мела від на жыхарства ў Беларусі. Сваякі Веры Цвікевіч калісьці выехалі з Беларусі ў Расію, а яна захацела вярнуцца, нейкі час працавала актрысай у тэатры ў Слоніме. У жніўні 2020-га фотаздымак дзяўчыны з пратэстаў быў апублікаваны на першай паласе "Комсомольской правды в Беларуси". Праваабаронцы прызналі яе палітзняволенай. Масква абяцала сачыць за лёсам грамадзянкі РФ.

Таксама 6 траўня, толькі ў Гродне, была асуджана грамадзянка Расіі, палітзняволеная Сафія Сапега.