У Беларусі 22-гі раз у 2021 годзе даражэе аўтамабільнае паліва

У Беларусі 22-гі раз у 2021 годзе даражэе аўтамабільнае паліва. З 20 ліпеня кошт павялічыцца на 1 капейку, паведамляе "Белнафтахім".

АІ-92-К5-Еўра будзе каштаваць 1 рубель 92 капейкі, АІ-95-К5-Еўра — 2 рублі 2 капейкі, АІ-98-К5-Еўра — 2 рублі 24 капейкі, дызельнае паліва — 2 рублі 2 капейкі.

Папярэдні раз рознічныя цэны на паліва на беларускіх АЗС павышаліся з 13 ліпеня.

Канцэрн спасылаецца на рост цэн на нафту і на прынятую стратэгію "стрыманай індэксацыі коштаў на аўтамабільнае паліва".