У Барысаве работнік ЖКГ вырашыў пакараць гаспадара дрэнна прыпаркаванага аўто
Праз дрэнна прыпаркаваныя аўто складана было вывезці смецце, ілюстрацыйнае фота / pixabay.com
У Барысаве за хуліганства будуць судзіць супрацоўніка мясцовай камунальнай службы, які працаваў у прадпрыемстве па вывазе смецця. Мужчына праткнуў колы аўтамабілю, які перашкаджаў пад'ехаць да смеццевых бакаў. Паводле мужчыны, "жыхары дома пастаянна паркуюць свае аўтамабілі каля пад'езда, і кантэйнер са смеццем вывезці не ўяўляецца магчымым". Пра гэта ён расказаў супрацоўнікам міліцыі, калі яго затрымалі.
Мужчыну 60 гадоў. Паводле яго, праколваць колы ён ішоў мэтанакіравана — ноччу. Узяў з сабой цвік. З яго дапамогай пракалоў 2 колы і пайшоў. Раніцай гаспадар аўтамабіля патэлефанаваў у міліцыю.
