У Бабруйску мужчына праваліўся ў каналізацыйны калодзеж (фота)
![У Бабруйску мужчына праваліўся ў каналізацыйны калодзеж (фота)](/sites/default/files/styles/gallery_main/public/2023-08/kalo.jpg.webp?itok=h7dkeUNf)
У Бабруйску выратавальнікі даставалі 46-гадовага мужчыну з каналізацыйнага калодзежу, куды ён праваліўся. Здарэне адбылося сёння ўначы па вуліцы Палескай: у МНС паступіла паведамленне, што ў калодзеж упаў чалавек і не можа самастойна выбрацца.
Выратавальнікі дасталі мужчыну з калодзежу глыбінёй у 3,6 метра пры дапамозе высоўнай трохкаленнай лесвіцы і выратавальнай вяроўкі. Затым пацярпелага перадалі медыкам, якія адвезлі яго ў лякарню, паведамляе Магілёўскае абласное ўпраўленне МНС.
Як высветлілася, мужчына праводзіў прафілактычныя працы па апрацоўцы швоў у калодзежы бітумнай сумессю, разведзенай бензінам. Ён паспеў надыхацца парамі бензіну і атруціўся.