У аэрапорце Сеула з восені жывуць расіяне, якія ўцяклі з Расіі ад мабілізацыі
![Трое з пяці расіян, якія жывуць у аэрапорце / koreatimes.co.kr](/sites/default/files/styles/gallery_main/public/2023-08/Try.jpg.webp?itok=crBi8n_n)
Трое з пяці расіян, якія жывуць у аэрапорце / koreatimes.co.kr
У аэрапорце Сеула з восені жывуць расіяне, якія ўцяклі з Расіі ад мабілізацыі на вайну ва Украіне. Як піша koreatimes.co.kr, іх пяць чалавек. Студэнт з Буратыі Уладзімір Марактаеў кажа, што з'ехаў з сябрамі за мяжу ў верасні 2022-га адразу пасля атрымання позвы. Спачатку на машыне ён заехаў у Манголію, адкуль паляцеў на Філіпіны, а далей — у Паўднёвую Карэю. Там ён спадзяваўся атрымаць бежанства. Але ў выніку з лістапада расіянін жыве ў аэрапорце.
Мінюст Паўднёвай Карэі не лічыць ухіленне ад мабілізацыі паважнай прычынай для атрымання статуса бежанца. Пяці расіянам, а сярод іх і Марактаеву, адмовілі. З аэрапорта яны не могуць выйсці, і жывуць у ім. Харчаванне мужчыны атрымліваюць ад карэйскіх уладаў. Але працягвацца гэта бясконца не можа — толькі да разгляду апеляцыі на рашэнне Мінюста Паўднёвай Карэі. Далей расіян можа чакаць дэпартацыя на радзіму.
Чакаецца, што ўжо ў студзені ў Расіі адбудзецца другая хваля мабілізацыі.
![У аэрапорце Сеула з восені жывуць расіяне, якія ўцяклі з Расіі ад мабілізацыі](/sites/default/files/styles/default_image_paragraph/public/paragraphs/image/5ee32efa6d5d4dc59913f1e58c5d2aee.jpg.webp?itok=yGx5f9Gr)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.