У адной з беларускіх гімназій увялі адзіную форму для ўсіх настаўнікаў
![Настаўнікі маладзечанскай гімназіі](/sites/default/files/styles/gallery_main/public/2024-09/maladzieczna-0409.jpg.webp?itok=a81Ns6b5)
Настаўнікі маладзечанскай гімназіі / "Маладзечанская газета"
У маладзечанскай гімназіі №6 імя Дзямешкі ўвялі адзіную форму для ўсіх настаўнікаў. Як піша "Маладзечанская газета", адпаведнае рашэнне прынялі яшчэ ўвечну на педсавеце.
Дырэктарка гімназіі прапанавала цэнтралізавана закупіць беларускую тканіну і пашыць адзіную форму — дзелавы касцюм у адзіным колеры або агульны элемент. Пярэчыць дырэктарцы, як вынікае з яе словаў, калектыў не наважыўся.
Жорсткіх патрабаванняў да формы не было. Кожны настаўнік выбіраў і заказваў пашыць на свой густ прыдатны від адзення. Галоўнае, каб адзенне адпавядала афіцыйна-дзелавому стылю і мела адзіны колер.
Дарэчы, на фота бачна, што шэры касцюм адзінага мужчыны ў педкалектыве не супадае па колеры з сінімі пінжакамі і камізэлькамі астатніх настаўніц.
Вяртанне адзінай формы для школьнікаў для Беларусі не навіна. А вось адзіная форма для настаўнікаў бадай што выкарыстоўваецца ўпершыню.
![У адной з беларускіх гімназій увялі адзіную форму для ўсіх настаўнікаў](/sites/default/files/styles/default_image_paragraph/public/paragraphs/image/maladzieczna-0409-2.jpg.webp?itok=jL9ERfMQ)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.