Труп сабакі з цалкам знятай шкурай знайшлі на ўскрайку Мінска
![Труп сабакі з цалкам знятай шкурай знайшлі на ўскрайку Мінска](/sites/default/files/styles/gallery_main/public/2023-08/sabaka-2211.jpg.webp?itok=hIUFsknA)
На ўскрайку Мінску жыхары знайшлі забітага сабаку, з якога цалкам знялі шкуру, паведамляе тэлеканал АНТ.
Труп сабакі выявілі на пустцы. З аднаго боку ад яе — пасёлак, з другога — жылы сталічны квартал, у дварах якога размяшчаецца школа. На пустцы выгульваюць сабак, а атксама праз яе скарачаюць шлях дзеці і дарослыя.
Цела мёртвай жывёлы знайшлі, калі яго дзяўблі вароны. Мінакі выклікалі міліцыю.
Афіцыйная прадстаўніца Заводскага РУУС Мінска Таццяна Маісеева кажа, што цяпер па гэтым факце праводзіцца праверка. Праваахоўнікі спрабуюць знайсці жывадзёра.